पणजी: गेल्या काही दिवसांपासून गोव्यात पावसाने विश्रांती घेतली आहे. पावसाने दडी मारल्यानंतर राज्यात उष्णतेचा पार देखील वाढू लागला आहे. दरम्यान, पुढील आठवड्यात राज्यात हवामान खात्याने पावसाची शक्यता व्यक्त केली असून, दोन दिवस यलो अलर्ट जारी केला आहे.
काही दिवसांच्या विश्रांतीनंतर राज्यात पुन्हा पाऊस दाखल होण्याची शक्यता आहे. हवामान खात्याने सोमवार (२३) आणि मंगळवार (२४ सप्टेंबर) या दोन दिवसांसाठी यलो अलर्ट जारी केला आहे. या काळात तुरळक ठिकाणी मुसळधार पावसाची शक्यता वर्तवण्यात आली आहे.
या काळात राज्यात ३० ते ४० किमी प्रतितास वेगाने वारे वाहण्याची शक्यता आहे. वादळी वाऱ्यासह वीजेचा कडकडाट देखील होण्याचा अंदाज हवामान खात्याने व्यक्त केलीय.
कोकणातही पावसाची शक्यता
कोकणात देखील पुढील दोन दिवस मुसळधार पावसाची शक्यता व्यक्त करण्यात आली आहे. हवामान खात्याने पालघर, ठाणे, रायगड, सिंधुदुर्ग आणि रत्नागिरी या जिल्ह्यांमध्ये ‘यलो अलर्ट’ जारी केला आहे. गेल्या दोन दिवसांत सिंधुदुर्ग आणि रत्नागिरी जिल्ह्यांत पावसाने उघडीप दिली आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.