पणजी: राज्यात 18 जुलैपासून उसंत घेतलेला पाऊस पुन्हा जोरदारपणे पडणार आहे. उद्या शनिवारी हवामान खात्याच्या गोवा वेधशाळेने मुसळधार पावसाचा ऑरेंज अलर्ट जारी केला आहे. वेधशाळेच्या अधिकाऱ्यांनी दिलेल्या माहितीनुसार, राज्यात 9 ऑगस्टपर्यंत मुसळधार पावसाची शक्यता आहे.

शनिवारी अती पावसाचा ऑरेंज अलर्ट असून रविवारपासून तो येलोमध्ये रूपांतरित होईल. गेल्या 24 तासांत 3.4 मिलिमीटर पावसाची नोंद झाली असून सर्वाधिक पाऊस पेडणे येथे 12 मिलिमीटर झाला आहे. तर पणजीत 8.2 मिलिमीटर पावसाची नोंद आहे. इतरत्र तुरळक पाऊस झाला. समुद्रावरून वाहणाऱ्या वाऱ्यांचा वेग ताशी 45 ते 55 किलोमीटर राहणार असेल हा वेग वाढू शकतो असेही वेधशाळेने सांगितले.

Festival of Goa : राय येथील प्रसिद्ध कणसांचे फेस्त उत्साहात संपन्न

Festival of Goa : मडगाव राय येथील अवर लेडी ऑफ स्नोज या चर्चचे संपूर्ण गोव्यात प्रसिद्ध असलेले 'कणसांचे फेस्त' मोठ्या उत्साहात साजरे करण्यात आले. हे फेस्त साजरे करण्यासाठी भाविक मोठ्या प्रमाणात देवाच्या शेतात जमले होते. गोव्यात नेहमीच विविध फेस्त उत्साहात साजरे केले जातात. त्यापैकीच एक कणसांच्या फेस्तलाही गोव्यात विशेष महत्त्व आहे.