Goa: सिगारेट आणि इतर तंबाखूजन्य उत्पादने कायदा 2003 चे कलम 4 चे उल्लंघन (Violation of Rule 4 of the Act 2003) केल्याप्रकरणी मुरगाव तालुका अंमलबजावणी पथकाने (Mormugoa Taluka Implementation Squad) शुक्रवारी काही विक्रेत्यांविरोधात गुन्हे दाखल करून 2200 रुपयांचा दंड (Penalty) वसूल केला. मुरगावचे मामलेदार धीरेन बाणावलीकर, गोवा कॅनचे समन्वयक रोलँड मार्टिन्स यांच्या नेतृत्वाखालील पथकाने शुक्रवारी सकाळी वास्को बसस्थानक (Vasco Bus stand) आणि फुलांच्या बाजारपेठेत (Flower Market) तपासणी केली.

कायदा 2003 च्या नियम चारचं उल्लंघन

या पथकामध्ये मामलेदार कार्यालयाचे सर्कल निरीक्षक विठू खरात, ज्युनियर स्टेनो महादेव फडते, पोलीस उपनिरीक्षक स्वप्निल नाईक यांचा समावेश होता. तपासणी करताना काही विक्रेत्यांनी सिगारेट आणि इतर तंबाखू उत्पादने कायदा 2003 च्या नियम 4 चे उल्लंघन केल्याचं आढळून आलं. ज्यांना अन्न आणि औषध प्रशासन संचालनालयाकडून परवाने देण्यात आले होते ते योग्यरीत्या प्रदर्शित करण्यात आले नसल्याचं आढळून आलं.

काही आस्थापनांमध्ये सिगारेट आणि इतर तंबाखूजन्य पदार्थ (Cigarettes and Tobacco Products) कायाद्यातील तरतुदींप्रमाणे आवश्यकतेनुसार धूम्रपान प्रतिबंध चिन्ह योग्यरीत्या प्रदर्शित केले गेले नव्हते. या प्रकरणी दक्षिण गोवा जिल्हाधिकाऱ्यांना पुढील त्रैमासिक आढावा बैठकीत याबद्दल अहवाल देण्यात येईल.