Mormugao Municipality: मुरगाव पालिकेला 30 रुपये द्या आणि शहरात फुटपाथ तसेच इतर मोक्याच्या ठिकाणी कुठेही दुकान थाटून आपला व्यवसाय थाटा, अशा उक्तीप्रमाणे परप्रांतीयांनी वास्को शहरात आपला व्यवसाय थाटला असून मुरगाव पालिकेच्या वरदहस्ताने चाललेल्या या व्यवसायामुळे वास्कोतील हॉटेल व्यवसायावर गदा आली आहे.
त्यामुळे या परप्रांतीयांवर कारवाई करण्याची मागणी होत आहे. ‘विकसित गोवा व स्वयंपूर्ण गोवा’चा परप्रांतीयांनी उत्तम लाभ घेतल्याचे वास्कोत ज्वलंत उदाहरण पाहावयास मिळत आहे. मुरगाव पालिका ३० रुपये गोळा करण्यात मग्न आहे. मात्र, कारवाई करण्यात शून्य आहे.
वास्को शहरात मोक्याच्या ठिकाणी परप्रांतीयांनी आपला व्यवसाय मांडून फुटपाथ तसेच रस्त्यांवर अतिक्रमण केले आहे.
न्यायालयाच्या आदेशाचे उल्लंघन
परप्रांतीयांनी वास्को शहरातील फुटपाथवर अतिक्रमण करून उच्च न्यायालयाच्या आदेशाचे उल्लंघन केले आहे.
परप्रांतीयांना ज्या जागेवरून हटविण्यात आले होते ती आता पालिकेने परत परप्रांतीयांना दिलेली पाहून स्थानिक व्यावसायिक चिंताग्रस्त झाले आहेत. ते आता न्यायाच्या प्रतीक्षेत आहेत.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.