पणजी: राज्यात आज विक्रमी 23,036 लसीकरण (Vaccination) झाले. कोरोना नियंत्रणात (Covid 19) येत असतानाच लसीकरणालाही चांगला प्रतिसाद मिळत आहे. आज 23,036 येवढे लसिकरण आज झाले. ज्यात 20,301 जणांनी पहिला डोस तर 2,735 जणांनी दुसरा डोस घेतला. राज्यातील आतापर्यंत एकूण लसीकरण 8 लाख 96 हजार 122 एवढे झाले आहे. ज्यात 6,69,874 जणांनी पहिला डोस तर 1,13,124 जणांनी दोन्ही डोस घेतले आहेत.

दरम्यान, राज्याला पूर्ण कोरोना मुक्त (Corona) करण्याचे ध्येय गोवा सरकारने (Goa Government) ठेवले असून राज्यात असलेल्या 18 वर्षावरील प्रत्येक व्यक्तीला कोरोना प्रतिबंधक लस (Corona vaccine) देऊन गोवा राज्यात कोरोना नियंत्रणात यावा यासाठी प्रयत्न केले जात आहेत. याच प्रयत्नाचा एक भाग म्हणून राज्यात असलेल्या परदेशी नागरिकांना (Foreign People) तसेच भिकाऱ्यांना (Beggars) कोरोना प्रतिबंधक लस (Corona vaccine) देण्यात येणार आहे.