पणजी: जागतिक आरोग्यदिनाच्या पार्श्वभूमीवर भाजपच्या मेडिकल सेलच्यावतीने आयुष्यमान भारत प्रधानमंत्री जन आरोग्य योजनेच्या जनजागृतीबरोबरच या योजनेतील लाभार्थ्यांचा सेलच्यावतीने सन्मान करण्यात आला.

वैद्यकीय सेलचे अध्यक्ष डॉ. शेखर साळकर यांच्या उपस्थितीत या कार्यक्रमाचे आयोजन केले होते. आर्थिक दुर्बलांसाठी प्रति कुटुंब पाच लाखांचा आरोग्य विमा या योजनेअंतर्गत मिळतो. या योजनेच्या अंतर्गत राज्यात अपर्णा मलिक, अश्विनी नाईक, चंद्रकला शेटगावकर, दिव्या हुमणे यांना सन्मानित करण्यात आले. यांच्यावर यापूर्वीच विविध शस्त्रक्रिया आणि औषधोपचार करण्यात आले आहेत. यावेळी डॉ. शैलेश कामत, डॉ. स्नेहा भागवत, डॉ. देवदत्त सैल, अनिता कवळेकर उपस्थित होते.