गेल्या काही दिवसांपासून वादाच्या भोवर्‍यात असलेले गोवा विद्यापीठ आता आणखी एका घटनेमुळे चर्चेत आले आहे. तेथील प्राध्यापक तथा विद्यार्थी निवडणूक समितीचे अध्यक्ष अँथनी व्हिएगश यांच्यासह त्य‍ांच्या सहकार्‍य‍ांना गुंडागिरी करणार्‍या शिशिर परबसह काही जणांकडून धमकी देण्यात आली आहे.

या गुंडागिरी करणाऱ्यांच्या विरोधात पोलीस तक्रार करूनही कारवाई होत नाही. त्यामुळे विद्यापीठ शिक्षक संघटनेने याबाबत निषेध नोंदवला असून, आज (सोमवार) दुपारी २.३० वाजता शिक्षक एकत्र येणार आहेत. त्यामुळे हे प्रकरण चिघळण्याची शक्यता आहे.