राज्यात गेल्या काही दिवसांपासून मुसळधार पाऊस पडत आहे. नागेशी बांदोडा येथे रवींद्र नागेशकर यांच्या घरावर आंब्याचे झाड पडून मोठे नुकसान. फोंडा अग्नीशाम दल घटनास्थळी दाखल.

गोवा बेळगाव (चोर्लामार्ग) हा रस्ता केरी येथे अंजुणे धरणाजवळ खचून कडा कोसळल्याने धोकादायक बनला आहे. तातडीने दुरुस्तीची गरज, अन्यथा मार्ग बंद होण्याची भिती.

कारवारपासून 10/15 कि.मी अंतरावर चेंडीये/ होसाळी येथे पाणी रस्त्यावर आल्याने हजारो वाहने काल रात्री पासून गोवा मंगलोर राष्ट्रीय महामार्गावर अडकून पडली आहेत.

मार्ले, फातोर्डा येथील बंगल्या शेजारील संरक्षक भिंत कोसळल्याने रायेश चेंबर्स 4 फ्लॅटचे नुकसान.

आषाढी एकादशीच्या पूर्वसंध्येला विठ्ठलापूर साखळीत फर्स्ट स्टेप प्ले स्कुलच्या विद्यार्थ्यांनी वारी काढत विठू नामाच्या गजराने परिसर दणाणून सोडला.

डिचोलीत अपघाताचे थांबायचं नाव घेत नाहीये. बगलमार्गावरील व्हाळशी जंक्शनवर आणखी एक अपघात झाला. दोन कारमध्ये धडक झाली, ज्यामध्ये पाच विद्यार्थी किरकोळ जखमी झाले.

हवामान खात्याकडून राज्यात आज (16 जुलै) रेड अलर्ट जारी करण्यात आला आहे. वादळी वाऱ्यासह मुसळधार पावसाची शक्यता वर्तवण्यात आली आहे. 30-40 किलोमीटर प्रतितास वेगाने वारे वाहण्याची शक्यता आहे.

केरीतील अंजुणे धरणाने 90 मीटरची पातळी ओलांडल्याने धरणाचे चारही दरवाजे खुले करुन पाणी सोडण्यात आले.