कर्करोग सेंटरसाठी गोवा सरकार टाटा मेमोरिअल हॉस्पिटल, मुंबई आणि केद्र सरकारसोबत सामंजस्य करार करणार. अशी माहिती आरोग्यमंत्री विश्वजीत राणे यांनी दिली. टाटा मेमोरिअल हॉस्पिटल हे जगातील एक सर्वात मोठी कर्करोग सुविधा पुरवते. तसेच, त्याला केंद्र सरकराच्या अणु उर्जा विभागाचे सहकार्य मिळते.

केंद्रिय आरोग्य सचिव राजेश भुषण यांच्या चर्चा झाल्यानंतर विश्वजीत राणे यांनी याबाबत भाष्य केले आहे. गोव्यात सेंटर उभारणीसाठी भुषण यांनी सर्व आवश्यक मदत करण्याचे आश्वासन दिले आहे. तसेच, याबाबतचा प्रस्ताव सादर करण्याच्या सुचना दिल्या आहेत. असे विश्वजीत राणे म्हणाले.

गर्भाशय कर्करोग प्रतिबंधासाठी गोवा सरकार 9 ते 14 वयोगटातील मुलींना एचपीव्ही लसीकरणाचे पाऊल कौतुकास्पद आहे. असे भुषण यांनी नमूद केले असे राणे म्हणाले.