Goa: वशालबाग धारगळ (Dhargalim) येथील विराज सखाराम पटेकर यांच्या घरातुन सुमारे साडेचार लाख रुपये किंमतीचे दागिने चोरुन (Jewelry theft) नेल्याची तक्रार पेडणे पोलीस ठाण्यात देण्यात आलेली आहे. तक्रारदार विराज पटेकर हे 20 ऑक्टोबर रोजी सकाळी 6 वाजता हॉस्पिटलात गेले होते व दुपारी 12 वाजल्यानंतर घरी परतले असता त्याना घराचे मागील दार उघडे दिसले. त्यानंतर कपाटा जवळच ठेवलेल्या कपाटाच्या चाव्यांनी कपाट उघडून कपाटात ठेवलेले सोन्याचे दागिने चोरीला (Theft) गेल्याचे त्यांच्या लक्षात आले.

या दागिन्यामध्ये मंगळसूत्र, पाटली व अन्य सोन्याचे दागिने असल्याचे तक्रारीत म्हटले आहे. या तक्रारी नंतर पेडणे पोलीसांनी ठाण्याचे निरीक्षक जीवबा दळवी यांच्या मार्गदर्शनाखाली उपनिरीक्षक विवेक हळर्णकर यांनी तपास सुरु केला. श्वान पथकही आणून चोरी प्रकरणी शोध घेण्याचा प्रयत्न झाला. अद्याप पोलीस तपास सुरु आहे.