पणजी: राज्य सरकारद्वारे शिक्षकांच्या योगदानाला सन्मान देण्यासाठी दरवर्षी 'वशिष्ठ पुरस्कार' देण्यात येतात. यंदा राज्यातील ७ उत्कृष्ट शिक्षकांना हे पुरस्कार जाहीर झाले असून उद्या मुख्यमंत्री डॉ. प्रमोद सावंत यांच्या हस्ते या पुरस्कारांचे वितरण करण्यात येणार आहे.
मोपा-पेडणे येथील सरकारी माध्यमिक शाळेचे शिक्षक महेश कशाळकर, पैंगीण-काणकोणच्या सरकारी प्राथमिक शाळेच्या शिक्षिका प्रतिमा गावकर, इब्रामपूर - पेडणे येथील सातेरी विद्यामंदिर शाळेचे शिक्षक सुधीर नाईक.
सुर्ला-डिचोली येथील रामनाथ नाईक मेमोरियल सरकारी विद्यालयाच्या कला विषयाच्या शिक्षिका ज्योती सिनारी, म्हार्दोळ-प्रियोळ येथील एसएसएम स्वास्तिक विद्यालयाचे मुख्याध्यापक शिरीषकुमार आमशेकर.
कुजिरा येथील वसंतराव धेंपो उच्च माध्यमिक विद्यालयाचे शिक्षक शिरीष भिडे व कोलवाळ येथील डॉ. आंबेडकर उच्च माध्यमिक विद्यालयाचे प्राचार्य विठ्ठल पार्सेकर यांना वसिष्ठ पुरस्कार देऊन गौरव करण्यात येणार आहे.
काव्हलो, च्यारी राष्ट्रीय पुरस्काराचे मानकरी
गोव्यातील दोन आयटीआय प्रशिक्षकांना केंद्रीय कौशल्य विकास मंत्रालयाचे राष्ट्रीय प्रशिक्षण पुरस्कार जाहीर झाले आहेत.
म्हापसा आयटीआयच्या नताशा कार्व्हलो व काकोडा आयआयटीचे विजय च्यारी या पुरस्कारांचे मानकरी ठरले असून शिक्षकदिनी दिल्ली येथे विशेष कार्यक्रमात हे पुस्कार प्रदान करण्यात येणार आहेत.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.