Goa Short Film Festival: मराठी चित्रपट परिवार संस्थेतर्फे पणजी मधील येथील आर्ट अँड कल्चर येथे 4 आणि 5 नोव्हेंबर रोजी दहाव्या गोवा लघुपट महोत्सवाचे आयोजन करण्यात येणार आहे.

हा महोत्सव सर्वांसाठी मोफत खुला राहणार आहे. महोत्सवासाठी कोणत्याही प्रकारची नोंदणी अथवा प्रवेश शुल्क आकारण्यात येणार नाही.

4 नोव्हेंबर रोजी सकाळी नऊ वाजता महोत्सवाचे उद्‍घाटन होणार आहे. या दिवशी सकाळी 9 ते सायंकाळी 6 या वेळेमध्ये तसेच 5 नोव्हेंबर रोजी सकाळी 9 ते सायंकाळी 5 या वेळेत विविध देशांतील शंभरहून अधिक लघुपटांचे प्रदर्शन या महोत्सवामध्ये करण्यात येणार आहे.

या महोत्सवामध्ये भारतासह विविध देशातील लघुपटांचे प्रदर्शन करण्यात येणार आहे, या प्रदर्शन करण्यात आलेल्या लघुपटापैकी 40 लघुपटांना विविध विभागांमध्ये पारितोषिके देण्यात येणार आहेत.

5 नोव्हेंबर रोजी सायंकाळी 5 वाजता ज्येष्ठ लेखक आणि समीक्षक श्रीकांत कुलकर्णी यांच्या हस्ते पारितोषिक वितरण करण्यात येणार आहे.