कोठंबी: गोव्यात शिवजयंती उत्सवाला गालबोट लागण्याची घटना घडली आहे. कोठंबी येथे शिवजयंती दरम्यान, ७ ते ८ जणांच्या टोळक्याने तरुणाला मारहाण केल्याचा धक्कादायक प्रकार उघडकीस आला. यात तरुण गंभीर जखमी झाला असून, त्याला उपचारासाठी दक्षिण गोवा जिल्हा रुग्णालयात दाखल करण्यात आला आहे.

क्लावडिओ (रा. असोल्डा) असे या मारहाणीत जखमी झालेल्या तरुणाचे नाव आहे. मिळालेल्या माहितीनुसार, जखमी तरुण रस्त्यावरुन जात असताना त्याने जाण्यासाठी रस्ता देण्याची विनंती केली. यावरुन संतापलेल्या तरुणाने त्याला मारहाण केली. यात आणखी ७ ते ८ जणांनी येऊन तरुणाला हेल्मेटने गंभीर मारहाण केली, अशी माहिती समोर आली आहे.

शिवजयंती उत्सव सुरु असताना ही घटना समोर आल्याची माहिती मिळाली आहे. कोठंबी येथे शिवजयंती निमित्त भव्य रॅली काढण्यात आली होती. यावेळी तरुणाने त्याला जाण्यासाठी मार्ग देण्याची विनंती केली यामुळे संतापलेल्या टोळक्याने तरुणाला मारहाण केल्याचे माहिती आहे.