Shack Owner : पर्यटन खात्यातर्फे राबवलेल्या मॉडेल शॅक आणि नवीन पर्यटन धोरणाला शॅक मालक संघटनेने ठाम विरोध दर्शविला आहे. आज शॅक मालक संघटनेची बैठक पार पडली. यावेळी शॅक मालकांनी त्यांच्या अनेक समस्या मांडल्या.

राज्यातील समुद्रकिनारी नळ जोडणी, सांडपाणी निचरा व इतर सुविधा निर्माण करण्यास सरकार आणि पर्यटन खाते अपयशी ठरल्यामुळेच विद्यमान समस्या उद्भवल्याचा आरोपही गोवा शॅक मालक संघटनेचा बैठकीत करण्यात आला.

उच्च न्यायालयाच्या निर्देशानंतर गोवा सरकारने शॅक मालकांना कारणे दाखवा नोटीस बजावण्यास सुरुवात केली आहे. सरकारने कारवाई सुरूच ठेवल्यास शॅक पूर्ण बंद करण्याचा इशारा शॅक मालकांनी दिला.

कुणाचाही शॅक परवाना रद्द करु दिला जाणार नाही. मुख्यमंत्र्यांनी यात हस्तक्षेप करावा अन्यथा आमच्याकडून सहा वर्ष शुल्क घेऊ नये. आम्ही समुद्रकिनारी सर्व सुविधा निर्माण करु असा दावा शॅक मालक संघटनेने केला आहे.