Goa Latest News: आवेडे-बोरी येथील श्री साईबाबा सेवा मंडळ ट्रस्टच्या श्री साईबाबा मंदिर आणि श्री साईबाबांच्या मूर्ती स्थापनेचा 25 वा रौप्यमहोत्सवी वर्धापन दिन महोत्सव रविवार, 27 ते मंगळवार 29 नोव्हेंबरदरम्यान विविध कार्यक्रमांनिशी साजरा केला जाणार आहे. या उत्सवाच्या कार्यालयाचे उद्‍घाटन दीपराज मडकईकर आणि मृणाली मडकईकर यांच्या हस्ते फित कापून व समई प्रज्वलीत करून करण्यात आले.

यावेळी कार्याध्यक्ष महादेव नाईक, ट्रस्टचे अध्यक्ष दीपक रायकर, आशीष नाईक, आनंद नाईक, गुरुदास नाईक, सचिव अक्षय नाईक, सुभाष नाईक, अनिल नाईक, दुलू केरकर आदी मान्यवर उपस्थित होते. महादेव नाईक यांनी पाहुण्यांना पुष्पगुच्छ देऊन त्यांचे स्वागत केले. अक्षय नाईक यांनी आभार मानले.

फोंडा हनुमान मंदिरात येत्या मंगळवारी वर्धापनदिन उत्सव

वारखंडे - फोंडा येथील हनुमान देवस्थानात बारावा मूर्ती प्रतिष्ठापना वर्धापनदिन सोहळा येत्या मंगळवारी 29 व बुधवारी 30 रोजी विविध कार्यक्रमांनिशी साजरा करण्यात येणार आहे. या उत्सवात मंगळवारी सकाळी देवालयात विविध धार्मिक विधी, दुपारी महाप्रसाद होणार आहे.

संध्याकाळी पाच वाजता श्री सत्य हनुमान व्रत सोहळा होणार आहे. रात्री आठ वाजता ‘रुची ऑल द बेस्ट'' हा नाट्यप्रयोग होईल. बुधवारी सकाळी देवालयात विविध धार्मिक विधी झाल्यावर दुपारी महाप्रसाद होईल.