Goa HSE Board Exam Time Table

पणजी: बारावी २०२५ च्या अंतिम परीक्षेच्या वेळापत्रकात बदल करण्याचा महत्वपूर्ण निर्णय गोवा माध्यमिक आणि उच्च माध्यमिक शिक्षण मंडळाच्या वतीने घेण्यात आला आहे.

जेईई प्रवेश परीक्षेच्या पार्श्वभूमीवर हा निर्णय घेण्यात आला आहे. परीक्षेची तारीख ०१ फेब्रुवारीवरुन १० फेब्रुवारी करण्यात आली आहे. विद्यार्थ्यांना बदलाची नोंद घेण्याचे आवाहन करण्यात आले आहे.

जेईई प्रवेश परीक्षा आणि बारावी बोर्डाची परीक्षा यांच्या तारखांचा एकाचवेळी येऊ नयेत यासाठी पूर्वी जाहीर करण्यात आलेल्या परीक्षेची तारीख बदलण्यात आलीय. राष्ट्रीय टेस्टिंग एजन्सीच्या वतीने जेईई परीक्षेची तारीख अद्याप जाहीर केली नाही. पण, त्यापूर्वीच मंडळाने ०१ फेब्रुवारी रोजी होणारी परीक्षा १० तारखेला ढकलली आहे.

विद्यार्थ्यांना दोन्ही परीक्षेच्या तयारीला पुरेसा वेळ मिळावा यासाठी मंडळाने वेळापत्रकात बदल करण्याचा निर्णय घेतला आहे. जेईई २०२५ जानेवारीच्या अखेरीस संपण्याची शक्यता आहे. याचा विचार करुनच मंडळाने परीक्षेचे वेळापत्रक पुढे ढकलेले आहे. यामुळे विद्यार्थ्यांना परीक्षेच्या तयारीसाठी वेळ मिळणार आहे.

मंडळाच्या वतीने प्रसिद्ध करण्यात आलेल्या नव्या वेळापत्रकाची माहिती मंडळाच्या अधिकृत संकेतस्थळावर (www.gbshse.in) पाहता येणार आहे.