गोव्यात आज (रविवारी) 76 नव्या कोरोना बाधित रूग्णांची (New Covid-19 Cases in Goa) नोंद झाली असून, 66 कोरोनामुक्तांना डिस्चार्ज देण्यात आला आहे. आज दिवसभरात 1,057 नमुने तपासण्यात आले. राज्यात सध्याच्या घडीला 726 सक्रिय कोरोना रूग्णांवर (Active Covid Cases) उपचार सुरू आहेत.

गोवा आरोग्य विभागाच्या वतीने प्रसिद्ध करण्यात मिडिया बुलेटीननुसार, राज्यात आजवर 2 लाख 47 हजार 438 कोरोना रूग्ण यशस्वी उपचारानंतर बरे झाले आहेत. राज्याचा रिकव्हरी रेट 98. 14 टक्के एवढा आहे. सध्या राज्यात 76 रूग्ण गृह विलगीकरणात (Home Isolation) आहेत. गोव्यात 3,952 जणांचा कोरोनामुळे मृत्यू झाला आहे.

मागील काही दिवसांपासून कोरोना रूग्णांची वाढ साठ ते सत्तरच्या दरम्यान होत आहे. समाधानकारक बाब म्हणजे मृत्यूच्या घटना नाहीत. राज्यातील बहुंताश लोकांचे लसीकरण झाल्याने त्याचा परिणाम दिसून येत आहे. तेसच, सरकारकडून मोफत बुस्टर डोस देण्याचे काम सुरू आहे.