गोव्याच्या वार्षिक जीएसटी संकलनात 36 टक्के वाढ झाली आहे. 2022 वर्षातील जीएसटी करवसुलीचे आजवरचे सर्व विक्रम मोडत, नवा उच्चांक गाठला आहे.

गोवा राज्याने ऑगस्ट 2023 मध्ये तब्बल 509 कोटी रुपयांचा महसूल जीएसटीच्या माध्यमातून जमा करण्यात आला आहे. याबाबतची माहिती पीआयबीने आज प्रसिद्धीपत्रकाद्वारे जाहीर केली.

मागच्या वर्षीच्या ऑगस्टमध्ये हेच संकलन 376 कोटी रुपये इतके होते. केंद्रीय अर्थ खात्याने ही माहिती जाहीर केली आहे. ऑगस्ट 2023 मध्ये जीएसटी संकलन 509 कोटी रुपये, एसजीएसटी 174 कोटी रुपये महसूल प्राप्त झाला आहे.

देशाचा विचार केल्यास ऑगस्ट महिन्यात सलग आठव्या महिन्यात जीएसटी संकलन 1.59 लाख कोटी रुपयांच्या वर गेले आहे. यामध्ये सीजीएसटीचा 28,328 कोटी रुपये, एसजीएसटीचा 35,794 कोटी रुपये, आयजीएसटी 83,251 कोटी रुपये आणि उपकराच्या माध्यमातून 11,695 कोटी रूपये महसूल प्राप्त झाला आहे.