नवी दिल्ली :  गोवा सरकारच्या लेखा संचालनालयात(Directorate of Accounts)  लेखाकारांच्या (Accountant)  पदांवर भरती करण्यात येणार आहे. यासाठी  अर्ज करण्यासाठी सात दिवस शिल्लक आहेत.  ज्या इच्छुक उमेदवारांनी अद्याप या पदांसाठी अर्ज केलेला नाही  ते accountsgoa.gov.in या अधिकृत संकेतस्थळावर ऑनलाईन अर्ज करू शकतात. जारी केलेल्या अधिसूचनेनुसार लेखपालांच्या एकूण 109 रिक्त पदांवर भरती होणार आहे.  (Goa Recruitment 2021: Mega Recruitment in Goa Accounts Directorate; May 31 deadline for applications) 

गोव्याला लॉकडाऊनचा 'असाही' फायदा; शास्त्रज्ञांनी लिहिला शोधनिबंध

• अर्ज  करण्यापूर्वी अधिसूचना वाचा

या पदांसाठी इच्छुक उमेदवारांनी लेखा विभागाने दिलेल्या अधिकृत अधिसूचना वाचल्यानंतरच अर्ज करावा. केवळ नियमांनुसार केलेला अर्ज वैध असेल. ऑनलाइन अर्ज फॉर्ममध्ये त्रुटी किंवा कमतरता आढळून आल्यास तो अर्ज रद्द केला जाईल. 

• शैक्षणिक पात्रता

या पदांवर अर्ज करणाऱ्या  उमेदवारांनी कोणत्याही मान्यताप्राप्त विद्यापीठाची वाणिज्य पदवी असणे अनिवार्य आहे. त्याचबरोबर बीए इकॉनॉमिक्स पदवीचे उमेदवारदेखील या पदांसाठी अर्ज करू शकतात.

ऑनलाइन जुगार खेळणाऱ्या नऊ जणांना गोवा पोलिसांकडून अटक  

• वयोमर्यादा 

या पदांसाठी अर्ज केलेल्या उमेदवाराचे वय 42  वर्षांपेक्षा जास्त नसावे. त्याचबरोबर नियमानुसार जास्तीत जास्त वयोमर्यादा शिथिल करण्यात आली आहे. या भरतीशी संबंधित अधिक माहितीसाठी उमेदवार जारी केलेल्या अधिकृत संकेतस्थळाला भेट देऊ शकतात. 

• महत्त्वाच्या तारखा

ऑनलाइन अर्ज करण्यासाठी प्रारंभ तारीख - 10 मे 2021
ऑनलाइन अर्ज करण्याची अंतिम तारीख - 31 मे 2021.
अधिकृत वेबसाइट - https://www.accountsgoa.gov.in/direct-recruitment/