Goa Railway : वीर ते खेड रेल्वे स्थानकांदरम्यान काही देखभालीचे काम करण्याचे असल्याने ७ जुलै रोजी दुपारी १२.२० पासून ३.२० वाजेपर्यंत तीन तास मेगा ब्लॉक करण्याचा निर्णय रेल्वे प्रशासनाने घेतला असून त्यामुळे काही प्रवासी गाड्यांवर परिणाम होणार असल्याचे कळविण्यात आले आहे.

पोरबंदर ते कोचुवेली दरम्यानची २०९१० ही गाडी जी ६ जुलै रोजी सुटणार आहे ती रोहा ते वीर स्थानकादरम्यान दीड तासांसाठी थांबवली जाईल. तसेच लोकमान्य टिळक टर्मिनस ते थिरूवनंतपुरम मार्गावरील १६३४५ ही गाडी जी ७ जुलै रोजी सुटणार आहे, ती रोहा ते वीर स्थानकांदरम्यान ३५ मिनिटांसाठी थांबवली जाईल.

सावंतवाडी ते दिवा दरम्यानची १०१०६ ही रेल्वे जी ७ जुलै रोजी सुटणार आहे, ती दीड तासासाठी रत्नागिरी ते खेड दरम्यान थांबवली जाईल. थिरूवनंतपुरम ते निजामुद्दीन राजधानी एक्सप्रेस १२४३१ ही गाडी, जिचा प्रवास ६ जुलै रोजी सुरु होणार आहे, ती रत्नागिरी ते खेड दरम्यान ३० मिनिटांसाठी थांबवली जाईल. प्रवाशांनी या परिणामाची दखल घ्यावी तसेच तसेच गैरसोयीबद्दल प्रवाशांची दिलगिरी रेल्वे प्रशासनाने व्यक्त केली आहे.