Quepem News: असोल्डा केपे येथे बेकायदेशीर रित्या गुरांना घेऊन जाणारा रिक्षा स्थानिकांनी अडवून महंमद सादिक बेपारी (42) व लियाकत बेपारी (47) यांना केपे पोलिसांच्या स्वाधीन केले. आज त्यांना न्यायालयात उभे केले असता जामिनावर सोडून देण्यात आले.

मिळालेल्या माहितीनुसार काल दिं. 26 रोजी रात्रौ एका रिक्षात चार बैल घेऊन चांदरहुन कुडचडे मार्गे जात असल्याचे स्थानिक युवकांनी पाहिले असता सदर रिक्षा अडवून याची माहिती कुडचडे व शेल्डे येथील युवकांना दिली.

सदर युवकांनी रिक्षातून बैलांना घेऊन जाणाऱ्या महंमद व सादिक यांना सदर बैल कुठे घेऊन जात आहे असा प्रश्न केला असता त्यांनी चारही बैल बाणावली येथून आणले असून कत्तल करण्यासाठी घेऊन जात असल्याचे सांगितले.

यावेळी स्थानिकांनी याची माहिती केपे पोलिसांना दिली. केपे पोलिसांनी घटनास्थळी येऊन महंमद व लियाकत तसेच रिक्षा केपे पोलीस स्थानकात आणली.

आज दि.27 रोजी त्यांना केपे न्यायालयात हजर केले असता त्यांची जामिनावर सुटका केली असून जप्त करण्यात आलेले चारही बैल ध्यान फाउंडेशनकडे सुपूर्द करण्यात आले असून केपे पोलीस पुढील तपास करीत आहेत.