संगीत क्षेत्रात नावलौकिकता मिळवलेले ड्रमर (वादक) विलियम डिसोझा हे आपल्या राहत्या घरी मृतावस्थेत आढळले. ते ६२ वर्षांचे होते. अन्साभाट, म्हापसा येथे ते एकटेच राहत होते.
विलियम फोन उचलत नसल्याने त्यांचा मित्र घरी पोहचला परंतु दरवाजा उघडत नसल्याने मित्राने पोलिसांशी संपर्क साधला. कालांतराने पोलिसांनी अग्निशमन दलासोबत विलियम यांच्या घराचा मुख्य दरवाजा उघडून आतमध्ये प्रवेश केला. त्यानंतर हा प्रकार उघडकीस आला.
विलियम यांच्या मृत्यूप्रकरणी अनेकांनी शोक व्यक्त केला. ही घटना आज बुधवारी मध्यरात्री १.३० च्या सुमारास उघडकीस आली. ते आपल्या बेडरूमधील पलंगावर निपचित पडेलेले व दुर्गंधी येत होती.
विलियम यांचे असे जाणे वेदनादायी !
विलियम यांचा अशाप्रकारे मृत्यू होणे, मनाला चटका लावणारी बातमी आहे. दुर्दैव म्हणजे, त्यांच्यासारख्या कलाकाराच्या जाण्याची माहिती कोणालाही नसणे हे अधिक वेदनादायक आहे.
संगीत क्षेत्राने अष्टपैलू असा वादक गमावला, अशा शब्दांत वैज्ञानिक प्रा. नंदकुमार कामत यांनी भावना व्यक्त केल्या. विलियम यांचा एकाकी अवस्थेत मृत्यू झाला. ते नावाजलेले ड्रमर होते व गोव्याबाहेर त्यांची प्रचंड ख्याती होती.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.