कुर्टी-खांडेपार चौपदरी महामार्गावर कुर्टी येथे मध्यभागी ठेवलेला प्रवेश फाटा अखेर बंद करण्यात आला आहे. ही कार्यवाही आज करण्यात आली. या प्रवेश फाट्यावरून अवजड ट्रक एका रस्त्यावरून दुसऱ्या रस्त्यावर जाण्याचा प्रयत्न करीत असल्याने या ठिकाणी अपघातांचे सत्रच सध्या सुरू होते.

याप्रकरणी खांडेपार येथील सामाजिक तथा आरटीआय कार्यकर्ते संदीप पारकर व इतरांनी ही बाब पोलिस व उपजिल्हाधिकाऱ्यांच्या नजरेस आणून देण्यात आली होती. त्यानंतर उपजिल्हाधिकाऱ्यांनी याबाबतचा अहवाल वाहतूक पोलिसांकडून मागवून घेतला व हा प्रवेश फाटा बंद करण्याचा आदेश सार्वजनिक बांधकाम खात्याला केला

त्यानुसार ही कार्यवाही करण्यात आली आहे. आता या ठिकाणी अवजड ट्रकांना प्रवेश बंदी असल्याने अपघातांचे सत्र थांबतील असा विश्‍वास येथील नागरिकांनी व्यक्त केला आहे.