मडगाव: गोव्यात येत्या विधानसभा निवडणुकीत (Goa Assembly) काँग्रेस आणि राष्ट्रवादी (Congress) या पक्षात युती होणारच असा विश्वास बाणावलीचे आमदार चर्चिल आलेमाव (MLA Churchill Alemao) यांनी व्यक्त करताना आम्हाला काँग्रेसकडून (Goa Politics) 10 जागा सोडण्याची अपेक्षा आहे असे सांगितले.

काँग्रेसची युतीसाठी राष्ट्रवादीसह वेगवेगळ्या पक्षांकडे बोलणी चालू आहेत असे काँग्रेसचे प्रभारी दिनेश गुंडू राव यांनी स्पष्ट केल्यानंतर आम्हाला निदान 10 जागा काँग्रेसने सोडण्याची गरज असल्याचे आलेमाव म्हणाले.यासंदर्भात त्याना विचारले असता, राष्ट्रवादीचे अध्यक्ष शरद पवार काँग्रेस नेत्यांकडे बोलले आहेत. गोव्यात युती होणारच हे त्यांनी आम्हाला सांगितले आहे, असे त्यांनी सांगितले.

काँग्रेसने युतीबद्दल 30 नोव्हेंबर पर्यंत घोषणा करावी अशी आमची अपेक्षा आहे. ही घोषणा नंतर झाल्यास दोन्ही पक्षासाठी ते त्रासदायक ठरू शकते असे ते म्हणाले.