पणजी : बनावट कागदपत्रांच्या आधारे जमीन हडप करण्याप्रकरणी गोवा पोलिसांच्या एसआयटीने सांतेनेज - पणजी इथून मोहम्मद साफी याला अटक केली आहे. या प्रकरणातली विक्रांत शेट्टी नंतरची ही दुसरी अटक आहे. मूळ प्रकरण आसगाव येथील असून म्हापसा पोलीस स्थानकात दाखल झाले होते. सद्या ते एसआयटी कडे वर्ग करण्यात आले आहे.

राज्यातील बनावट जमिनी हडप प्रकरणात दलाल वर्ग व प्रशासकीय अधिकाऱ्यांची एक मोठी सिंडिकेटच कार्यरत असून ज्यामध्ये प्रशासकीय अधिकाऱ्यांची मिलिभगत असल्याचा सूत्रांचा कथित आरोप आहे. याचा सर्वांधिक फटका हा बार्देश तालुक्यातील बादे, आसगांव, शिवोली, हणजूण, पर्रा, सुकूर यासारख्या भागांतील लोकांना बसला आहे.