Goa Police: "आजारपणात मृत्यू येण्यापेक्षा वाहनांच्या अपघातात मृत्यू येण्याचे प्रमाण जास्त आहे. अपघातात कुटुंबातील एक व्यक्तीचे निधन झाल्यास पूर्ण कुटुंब उद्ध्वस्त होऊ शकते. त्यासाठी युवकांनी वाहतुकीचे सर्व नियम पाळून जवाबदारीने वाहने चालवणे आवश्यक आहे, असे प्रतिपादन पेडणे पोलिस स्थानकाचे निरीक्षक दत्ताराम राऊत यांनी केले.

वाहतूक सुरक्षानिमित्त येथील कदंब बस स्थानकावर विद्यार्थी, नागरिक व वाहन चालक, प्रवाशांसाठी आयोजित कार्यक्रमात ते बोलत होते. पेडणे वाहतूक निरीक्षक कमलाकांत कारापुरकर, पोलीस उपनिरिक्षक हरिष वायंगणकर, सहाय्यक वाहतूक निरिक्षकअधीकारी, पोलीस कर्मचारी स्वप्नील शिरोडकर, विशाल नाईक, राजेश गावडे आदी मान्यवर उपस्थित होते.

यावेळी वाहतूक निरिक्षक कमलाकांत कारापुरकर यांनी वाहतुकीचे नियम व वाहन चालकाची जवाबदारी यावर मार्गदर्शन केले. यावेळी विद्यार्थ्यासाठी घेण्यात आलेल्या स्पर्धेतील विद्यार्थ्याना मान्यवरांच्या हस्ते बक्षीसे देण्यात आली.

दत्ताराम राऊत, पोलिस निरीक्षक-

आपण जे काबाडकष्ट केले तशी स्थिती आपल्या मुलांवर येऊ नये म्हणून आईवडील मुलांना स्कूटर,मोटारसायकल घेऊन देतात. पण भरधाव वेगात दुचाकी हाकून युवक आपले कुटुंब किंवा कुणाचा तरी नाहक बळी घेतात. त्यासाठी कायद्याचे पालन करून व नियंत्रण ठेवून वाहन चालवणे गरजेचे आहे.