Mopa Airport News: भाऊसाहेब बांदोडकर हे गोव्याचे पहिले मुख्यमंत्री असून ते मांद्रे मतदारसंघातून निवडून आले होते. पेडण्याचे ते भाचे, पेडण्यात त्यांचे बालपण गेले. पेडण्यात लहानाचे मोठे झाले. पेडणेवासियाना त्यांचा अभिमान आहे.

त्यामुळे मोपा आंतरराष्ट्रीय विमानतळाला भाऊसाहेब बांदोडकरांचेच नाव देणे गरजेचे आहे, असे मत माजी आमदार परशुराम कोटकर यांनी ‘गोमन्तक’शी बोलताना व्यक्त केले.

ते पुढे म्हणाले, मुख्यमंत्री झाल्यानंतर पहिला प्रश्न मार्गी लावला, तो म्हणजे कुळ-मुंडकारांचा. भाऊसाहेबांनीच मिळवून दिलेल्या कुळ मुंडकारांच्या जागेत हा विमानतळ होत आहे. वाड्या-वाड्यावर सरकारी शाळा उघडल्यानेच बहुजन समाजाची शिक्षणातही प्रगती झाली.

राज्यात भाजप व मगो पक्ष हातात हात घालून राज्य करीत आहे. गोवा स्वातंत्र्यानंतर भाऊसाहेबानींची गोव्याच्या विकासाचा पाया घातला. मुख्यमंत्री डॉ. प्रमोद सावंत व केंद्रीय मंत्री श्रीपाद नाईक यांनी विमानतळाला नाव द्याव. सुदिन ढवळीकरांनीही हा प्रश्‍न सोडवावा, असेही कोटकर म्हणाले.