Panaji Vegetable: राज्यात कांदे, बटाटे तसेच इतर भाजीपाला देखील अजून महागच आहेत. मात्र, गेल्या दोन आठवड्यांपासून टॉमेटोच्या दरात काही प्रमाणात घट झाली आहे. टॉमेटो 50 रूपये प्रति किलो दराने विकले जात होते. मिरची अजूनही तिखटच आहे कारण गेल्या वर्षी 40 ते 50 रूपये प्रती किलो दराने मिळणाऱ्या हिरव्या मिरचीने शंभरी गाठली आहे.

राज्यात मोठ्या प्रमाणात भाजीपुरवठा करणाऱ्या कर्नाटक व महाराष्ट्रात मोठ्या प्रमाणात अवकाळी पाऊस पडल्याने अनेक पिकांची नासाडी झाली. परिणामी उत्पादनात घट झाली आहे. त्यासोबच यंदा शेतकऱ्यांनी मिरचीचे पीक कमी प्रमाणात घेतले, कारण शेतकऱ्यांना गतवर्षी मिरची उत्पादनात अपेक्षित भाव मिळाला नाही.

यंदा शेतकऱ्यांनी कमी प्रमाणात उत्पादन घेतले. त्यामुळे यंदा बाजारात मिरचीचा तुटवडा जाणवत असल्याने दरात मोठ्या प्रमाणात वाढ झाली आहे. 40 रुपये जुडी मिळणाऱ्या कोथिंबिरीचे भाव देखील 10 रुपयांनी उतरले आहेत.

दर प्रतिकिलो (रुपयांत)

कांदा - 40

बटाटा - 40

टोमॅटो - 30

गवार - 60

कोबी - 40

फ्लॉवर - 40

गाजर - 60-80

भेंडी - 70-80

शिमला मिरची - 80

हिरवी मिरची- 100

पाले भाजी प्रती जुडी

मेथी - 20

लालभाजी - 20

कांदापात - 20

मुळा - 20

पालक - 20

शेपू - 10

पुदिना - 10

कोथिंबीर - 30

लिंबू - 5 रूपयांना 1