Goa News: येथील निर्मला इन्स्टिट्यूटतर्फे, ‘शैक्षणिक अभ्यासक्रमाच्या विविध स्तरावर नाट्य घटकांचा अंतर्भाव’ या विषयावर दोन दिवसांची आंतरराष्ट्रीय परिषद निर्मला इन्स्टिट्यूटमध्ये शनिवार, रविवारी पार पडली. यात 62 शोधनिबंधांचा समावेश होता.

पैकी 55 निबंध विश्वविद्यालय अनुदान आयोग प्रमाणित भैरवी या शोध पत्रिकेच्या विशेषांकात प्रसिद्ध झाले आहेत. राष्ट्रीय शिक्षण संशोधन आणि प्रशिक्षण परिषदेचे (एनसीआरटी) डॉ. विनोद इंदुरकर यांच्या हस्ते परिषदेचे उद्‍घाटन करण्यात आले. दोन दिवसात आठ सत्रांमधून 29 गोव्यातील, 30 राष्ट्रीय व 3 आंतरराष्ट्रीय संशोधकांनी शोध निबंध सादर केले.

समारोप सत्राला प्रमुख पाहुणे शासकीय महाविद्यालयाचे प्राचार्य प्रा. जेर्वासीओ मेंडीस, भैरवी शोध पत्रिकेच्या संपादक डॉ. पुष्पम नारायण, निर्मला इन्स्टिट्यूटच्या प्राचार्य डॉ. डेलिया आंताव, परिषदेच्या समन्वयक प्राध्यापक डॉ. अनघा देशपांडे व डॉ. रिटा पायेस उपस्थित होत्या.