Goa Latest News: पर्वरी-बिठ्ठोणा येथील साल्वादोर दु मुंद पंचायतीच्या सभागृहात आज सकाळी दहा वाजता पणजी येथे होणाऱ्या 9व्या जागतिक आयुर्वेदिक प्रतिनिधींची महासभा व आरोग्य, व्यापारी किंवा औद्योगिक वस्तूंच्या प्रदर्शनाच्या आवाक्याची व्याप्ती समजविण्यासाठी हाडाच्या मजबुतीचे आरोग्य शिबिराचे आयोजन करण्यात आले होते.

या शिबिरास पर्यटनमंत्री व स्थानिक आमदार रोहन खंवटे, जिल्हा परिषद सदस्य कविता नाईक, साल्वादोर दु मुंद पंचायतीच्या सरपंच रोशनी सावईकर, पेन्ह-द-फ्रान्सचे सरपंच स्वप्नील चोडणकर, पंच रवी ऊर्फ घनःश्याम नाईक, विजय कदम, पर्वरी हेल्प सेंटरचे डॉ. विकास नाईक, रोटरी चॅरिटेबल ट्रस्टच्या अध्यक्ष डॉ. संध्या कदम, उत्तर गोवा आयुर्वेद प्रचारक डॉ. आदित्य बर्वे, डॉ. कन्हैया,आरोग्य केंद्राचे इतर कर्मचारी, अनेक पंचायत सदस्य आणि ग्रामस्थ उपस्थित होते.

हाडांच्या मजबुतीचे मोजमाप करणारे मशिन रोटरी क्लबतर्फे उपलब्ध करून देण्यात आले. मोजमाप करून त्यावर आयुर्वेदिकरीत्या उपचार करणे, हा मुख्य हेतू आहे. पणजी येथे होणारी महासभा आयुर्वेद क्षेत्रातील व्यापाराला प्रोत्साहन देण्यासाठी आयोजित केली आहे.