मांद्रे जुनासवाडा (Mandre Junaswada) येथील रीवा रेसोर्ट (Rewa Resort) आपल्याला घराबाहेर काढण्याचा प्रयत्न करत असल्याचा दावा स्थानिक श्रीमती उमावती गडेकर (Umawati Gadekar) उर्फ मांद्रेकर यांनी करून मामलेदार न्यायालयात मुंडकार कायद्याखाली अर्ज दाखल केला आहे. त्यावर संयुक्त मामलेदार प्रियांका कामत (Priyanka Kamat) यांच्याशी सुनावणी होवून जैसे थे असा अंतरिम आदेश दिला आहे.

उमावती गडेकर (Umawati Gadekar) यांनी आपल्याला घराबाहेर काढण्याचा प्रयत्न होत असल्याचा दावा केला. रीवा रेसोर्ट प्रा. लिमिटेड हॉटेलच्या परिसरात श्रीमती उमावती गडेकर यांचे जुने घर आहे व त्यांच्या घरा संबधात पेडणे मामलेदार येथे मुंडकार कायद्या अंतर्गत अर्ज दाखल केला आहे . दरम्यानच्या काळात रीवा रेसोर्ट याने घरच्या परिसरात बांधकाम करीत आहेत तसेच इतर त्रासदायक अडचणी निर्माण करत आहेत. आपण घर सोडून जावे यासाठी ते त्रास देतात सरकारने आपल्याला संरक्षण द्यावे अशी विनंती तिने न्यायालायाकडे केली आहे.

पेडणे संयुक्त मामलेदार यांनी जैसे थे परिस्थिती ठेवण्याचा आदेश दिला आहे. पुढील सुनावणी ७ जुलै रोजी ठेवण्यात आली आहे , न्यायालयाच्या आदेशां प्रमाणे आपल्याला तात्पुरता संरक्षण मिळालेले आहे. रीवा रेसोर्ट च्या विरोधात आपण गेल्या दोन वर्षापासून लढत आहोत . आपले कुटुंब जागेतील पुरातन मुंडकार आहोत व रेवा रेसोर्ट ने हल्लीच जमीन विकत घेतली आहे . पाणी वाट व जागेवरून आपला लढा चालूच राही.