Illegal Construction नेरूल पंचायतीने गावातील विनापरवाना रस्ता बांधकामावर कारवाई केल्याची माहिती प्राप्त झालीय. नेरूल गावचे सरपंच राजेश कळंगुटकर यांनी गोवा पंचायत राज कायदा 1994 च्या कलम 64/1 (जे) अंतर्गत व्ही. वेंकट कृष्णा रेड्डी आणि सौ. व्ही. व्ही. गोवरी यांना सुरु केलेले काम थांबवण्याचा आदेश जारी केला आहे.

यासंबंधी मिळालेल्या माहिती नुसार नेरूल गावातील सर्व्हे क्रमांक 113/11 मध्ये अनधिकृतपणे रस्त्याचे बांधकाम केल्याची तक्रार प्रकाश जाधव यांनी दाखल केली होती.

या तक्रारीची दखल घेत सरपंचांनी व्ही. वेंकट कृष्णा रेड्डी आणि व्ही. व्ही. गोवरी यांना चाललेले बांधकाम थांबवण्याचे आदेश दिले असून 26 डिसेंबर रोजी सकाळी 11:00 वाजता दोघांनाही पंचायत कार्यालयात सरपंचासमोर हजर राहण्यासाठीचे आदेश देण्यात आले आहे.

तसेच त्यांनी त्यांच्या बांधकामाची कायदेशीरता सिद्ध करण्यासाठी लागणारी सर्व कागदपत्रे सोबत आणण्याचे आदेशही देण्यात आले आहेत.

दरम्यान त्यांनी दिलेल्या आदेशाचे पालन न केल्यास तसेच संबंधित दस्तऐवजात कोणतीही अफरातफर तसेच बेकायदेशीरता आढळल्यास त्यांच्यावर गोवा पंचायत राज कायदा, 1994 अंतर्गत कायदेशीर कारवाई करण्यात येईल असेही सरपंचांकडून सांगण्यात आले आहे.