पणजी: कॉंग्रेस पक्षाने (Congress party) गोव्याची (Goa) अस्तिमा नेहमीच जपली आहे. गोमंतकीयांच्या संवेदना जाणणारा व भावनांचा आदर करणारा पक्ष म्हणुन गोमंतकीयांनी नेहमीच कॉंग्रेस पक्षावरच विश्वास ठेवला आहे. आता नव्याने गोव्यात राजकारण करु पाहणारे पक्ष केवळ धर्मनिरपेक्ष मतांमध्ये फूट (Divide into secular votes) घालणार आहेत. गोमंतकीय जनता राजकीय जुगार व करामतींना बळी पडणार नसून, गोव्याची अस्मिता राखण्यासाठी ते पंडित नेहरूंचे "अजीब है गोवा के लोग" हे शब्द परत एकदा खरे ठरवून कॉंग्रेसला विजयी करणार आहेत. असा दावा गोवा प्रदेश कॉंग्रेस समितीचे अध्यक्ष गिरीश चोडणकर (Girish Chodankar) व विधीमंडळ गट नेते दिगंबर कामत (Digambar Kamat) यांनी आज जारी केलेल्या संयुक्त पत्रकातून केला आहे. काही पक्ष हे निवडणुकांसाठी येत असून भाजप विरोधी धर्मनिरपेक्ष मतांची विभागणी करण्याच्या कुटील डावांना गोवेकर कदापी बळी पडणार नाहीत.

उलट 2022 मध्ये कॉंग्रेस पक्ष सत्ता स्थापन करणार असून, गोमंतकीयांचा विरोध असलेले भाजप सरकारचे सर्व प्रकल्प व निर्णय आम्ही रद्द करणार आहोत. असेही या पत्रकात म्हटले आहे. कॉंग्रेस पक्षात प्रवेश करण्यासाठी आज युवकांची रांग लागली असुन, जातीयवादी, असंवेदनशील व बेजबाबदार भाजपला पराभूत करणे केवळ कॉंग्रेसला शक्य असल्याचे आज प्रत्येक गोमंतकीयांना कळून चुकले आहे. येणाऱ्या दिवसांत गोव्यात "कॉंग्रेस लाट" सर्वत्र दिसणार आहे. असा दावा चोडणकर व कामत यांनी या पत्रकातून केला आहे.

गोव्याला कुणीही ग्राह्य धरू नये. आता परत एकदा गोव्यात बस्तान मांडण्याचा प्रयत्न करणाऱ्यांनी यापुर्वी दोनदा असे प्रयोग करुन पराभव चाखले आहेत व यापुढे त्यांना पराभवच पहावा लागेल. असेही गोव्यात तृणमूल कॉंग्रेस विधानसभा निवडणुका लढविणार असल्याच्या त्यांच्या नेत्यांनी केलेल्या घोषणेवर प्रतिक्रीया देताना चोडणकर यांनी म्हटले आहे. ममता दिदी या गोव्यात धर्मनिरपेक्ष मतांची विभागणी करण्याचा मुर्खपणा करुन तृणमूलचे प्रथम विरोधक भाजपला फायदा मिळवून देण्याचा प्रयत्न करणार नाहीत. गोव्यात राजकीय आत्महत्या करण्याचा निर्णय त्या घेणार नाहीत" असे मतही चोडणकर यांनी या पत्रकातून व्यक्त केले आहे.