Goa News : पर्ये, आंध्र प्रदेश येथे होणाऱ्या शालेय पातळीवरील राष्ट्रीय क्रीडा स्पर्धेतील कबड्डी विभागात पर्ये-सत्तरी येथील श्री भूमिका हायस्कूलची विद्यार्थिनी रेषा गावस हिची निवड झाली आहे.

राज्य सरकारच्या क्रीडा व युवा संचालनालयातर्फे घेण्यात आलेल्या प्रशिक्षण शिबिरातून तिची निवड झाली आहे.

राज्य पातळीवर झालेल्या सराव शिबिरात भूमिका हायस्कूलच्या मीनाक्षी गुरव आणि रेषा गावस या विद्यार्थिनी सहभागी झाल्या होत्या.

शाळेतील क्रीडा शिक्षक आनंद गावकर तसेच कबड्डी प्रशिक्षक प्रसाद गावस यांचे त्यांना विशेष मार्गदर्शन लाभले.