Goa Monsoon 2023 Dainik Gomantak
गोवा

Goa Monsoon 2023: पर्ये सत्तरीत मोठी पडझड ! झाडे, भिंत कोसळून 2 लाखांचे नुकसान

कोसळणाऱ्या पावसामुळे राज्यातील जनजीवन विस्कळीत झाले आहे.

Ganeshprasad Gogate

Goa Monsoon 2023 राज्याला सलग दोन दिवस मुसळधार पावसाने झोडपले असून या कोसळणाऱ्या पावसामुळे राज्यातील जनजीवन विस्कळीत झाले आहे. कोसळणारा पाऊस आणि सोसाट्याच्या वाऱ्यामुळे मोठमोठीं झाडे पडणे, दरडी- भिंत कोसळणे, रस्ता खचणे अशा घटना घडत आहेत.

अनेक ठिकाणी पाणी साचल्यामुळे स्थानिकांना विविध समस्यांना तोंड द्यावे लागत आहे. काही ठिकाणी वाहतूक कोंडी तर काही भागात वीजपुरवठा खंडित झाल्याची माहीती मिळालीय. दरम्यान आज पर्ये सत्तरीत पडझडीचे सत्र आज पाहायला मिळाले.

Damage from falling tree on house

पर्येतील मधलावाडा येथील रहिवासी प्राजक्ता गावस यांच्या घरावर आंब्याचं झाड पडल पडलं असून घराच्या पडवीच्या पत्र्याचं नुकसान झालं आहे. तर दुसऱ्या घटनेत इस्माय हैदर करोल यांच्या घरावर सागवानाचे झाड पडलं असून त्यांच्या घराचं अंदाजे लाखभराचं नुकसान झाल्याची प्राथमिक माहिती प्राप्त झाली आहे.

या मुसळधार पावसाने अर्जून चंद्रू गावकर यांच्या मातीच्या घराची भिंत कोसळली असून या दुर्घटनेत त्यांचे 80 हजारांचे नुकसान झाल्याची माहिती समोर येतेय. सुदैवाने या तिन्ही घटनांमध्ये जिवीतहानी झाली नाहीय.

मागील 24 तासांत राज्यात एकूण 86.9 मिमी. (3.38 इंच) पावसाची नोंद करण्यात आली असून आतापर्यंत राज्यात एकूण 70 इंच पाऊस पडला आहे. गोवा हवामान खात्याने पुढील दोन - तीन दिवसांसाठी ऑरेंज अलर्टसह मुसळधार पावसाचा अंदाज व्यक्त केला आहे. तसेच नागरिकांनी सतर्क राहावे तसेच योग्य ती काळजी घेण्याचे आवाहन हवामान खात्याद्वारे करण्यात आले आहे.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Islamic State Rebels Attack: कांगोमध्ये रक्तपात! चर्चवरील हल्ल्यात 21 जणांचा मृत्यू, IS समर्थित दहशतवाद्यांचा हात

IND vs ENG 4th Test: गिल-राहुलचा मोठा पराक्रम! इंग्लंडच्या भूमीवर रचला नवा इतिहास, मोडला 23 वर्ष जुना रेकॉर्ड

Viral: मास्तर बनला प्रभु देवा...मुकाबला गाण्यावर केला जबरदस्त डान्स; पोरं झाली थक्क, WATCH VIDEO

Shravan Somvar 2025: मन:शांती आणि समस्यामुक्तीसाठी श्रावण सोमवार; जाणून घ्या रुद्राभिषेकाचे महत्त्व आणि सोपी पद्धत

Goa Village Tourism: "आम्हाला प्रकल्प हवाच!" सुर्ला ग्रामस्थांकडून इको-टुरिझमचे स्वागत; शासनाच्या प्रकल्पाला ग्रामसभेचा पाठिंबा

SCROLL FOR NEXT