राज्यात आज सकाळपासून पावसाने पुन्हा जोर धरला असून पाणलोट क्षेत्रातही पावसाने जोरदार हजेरी लावली. राज्यातील तीन धरणे भरली असून पावसाने असाच जोर धरल्यास अंजुणे धरणाचे दरवाजे उद्या (१३ जुलै) उघडले जाऊ शकतात. पाण्याचा विसर्ग सुरू केल्यास नागरिकांनी सतर्क राहावे, असे आवाहन प्रशासनाने केले आहे.

जोरदार पावसामुळे वाहतुकीवर काही प्रमाणात परिणाम झाला. गेल्या २४ तासांत राज्यात एकूण १८.१ मिमी पावसाची नोंद केली असून आतापर्यंत राज्यात एकूण १६५५ मिमी म्हणजेच ६५.१८ इंच पावसाची नोंद केली आहे.