Goa Weather Update

गोव्यात आजपासून (दि. २० जून) तीन दिवस पावसाचा यलो अलर्ट जारी केला असून, येत्या रविवारी आणि सोमवारी ऑरेंज अलर्ट जारी करण्यात आला आहे. पाचही दिवस राज्यातील दोन्ही जिल्ह्यात मुसळधार पावसाचा इशारा देण्यात आला आहे.

गोवा हवामान खात्याच्या वेधशाळेने आजपासून पुढील सहा दिवस राज्यात पावसाची शक्यता वर्तवली आहे. गोव्यातील दोन्ही जिल्ह्यात 20, 21 आणि 22 जूनला पावसाचा यलो अलर्ट जारी केला असून. रविवारी (दि.23) आणि सोमवारी (दि.24) पावसाचा ऑरेंज अलर्ट जारी करण्यात आला आहे.

पाचही दिवस राज्यातील दोन्ही जिल्ह्यात (उत्तर, दक्षिण) मुसळधार ते अति मुसळधार पावसाची शक्यता वर्तविण्यात आली आहे.

गोव्यात गेल्या २४ तासांत म्हापशात सर्वाधिक 54.2 मिमि, पेडण्यात 34.2, मडगाव 35.6, दाबोळी 35.7, फोंडा 20 मिमि पावसाची नोंद झाली आहे.