Goa Monsoon 2023: पावसामुळे राज्यभरात पडझड होण्याच्या घटनांमध्ये वाढ झाली आहे. ठिकठिकणी रस्त्यावर झाडे कोसळत असल्यामुळे नागरिकांना अडचणीचा सामना करावा लागत आहे. कष्टी-काले भागात झाडेझुडपे रस्‍त्‍यावर आली असून, वाहनचालकांना त्‍याचा मोठा त्रास सहन करावा लागत आहे.

संबंधित यंत्रणेने याकडे लक्ष देऊन अपघात होण्यापूर्वी ही झुडपे कापावीत, अशी मागणी वाहनचालकांसह ॲड. अमर नाईक यांनी केली आहे.

कष्टी-सांगे रस्त्याच्‍या दोन्ही बाजूला झाडेझुडपे रस्त्यावर आल्‍याने अपघाताची शक्‍यता वाढली आहे. तसेच रात्रीच्या वेळी रस्त्यावर अचानक जंगली जनावरे आल्यास दुर्घटना होऊ शकते. याच भागातून शालेय बसेस वाहतूक करीत असल्‍याने रस्त्यावर आलेली झाडे त्वरित कापणे गरजेचे बनले आहे, असे अमर नाईक यांनी म्‍हटले आहे.