Goa Monsoon 2023: गोव्यात सध्या पावसाच्या जोरदार सरी कोसळत आहेत. दोन्ही जिल्ह्यात मागील दोन दिवसांपासून पडत असलेल्या पावसामुळे विविध ठिकाणी पडझड होत असल्याच्या घटना समोर येत आहेत. कही ठिकाणी झाडे, वीजेचे खांब पडणे तसेच, रस्ते खचल्याच्या घटना घडल्या आहेत.

शिमेर आगापूर येथे 200 वर्षापूर्वीचे वडाचे झाड कोसळले आहे. श्रीराम महागुरूदेव मंदिराजळ ही घटना घडली. यामुळे दोन वीज खांब देखील कोसळून त्यांचे नुकसान झाले आहे. झाड कोसळल्याने रस्ता देखील ब्लॉक झाला असून, त्याचा वाहतुकीवर देखील परिणाम झाला आहे.

याशिवाय केपे-मडगाव मार्गाशेजारील पोर्तुगिजकालिन संरक्षक भिंतीचा काही कोसळला आहे. भिंतीच्या मध्यातील भाग खाली पडल्याने शेजारील भाग देखीळ केव्हाही कोसळू शकतो अशी भीती व्यक्त केली जात आहे.

सांतआंद्रे येथे भूस्खलन

सांतआंद्रे येथे भूस्खलन झाल्याने रस्ता खचला आहे. मुसळधार पावसामुळे रस्ता खचल्याने मार्गावरील वाहतूक बंद ठेवण्यात आली आहे. सुरवातीला रस्त्याच्या शेजारील भिंत खचली त्यासोबतच रस्त्याचा काही भाग देखील कोसळला त्यामुळे येथे मोठे भगदाड पडले आहे.