Goa Monsoon 2023: राज्यात मुसळधार पाऊस सुरू असून एक ठिकाणी पडझडीच्या घटनाही वाढल्या आहेत. यामध्ये झाडे उन्मळून पडणे, घरे कोसळणे यासारख्या विविध घटना सुरू आहेत. सत्तरीमध्येही धुव्वाधार पावसामुळे एक घर जमीनदोस्त झाले आहे.

पावसामुळे गुळेली येथील पुंडलिक बिसो नाईक यांचे मातीचे घर कोसळले आहे. 13/B पैकुळ गुळेली सत्तरी असा त्यांचा पत्ता असून यामध्ये अंदाजे 80,000 रुपयांचे नुकसान झाल्याचे सांगण्यात येत आहे.

या वाढत्या घटनांमुळे नागरिकांचे नाहक हाल होत आहेत. दोन दिवस राज्यात ऑरेंज अलर्ट असून पावसाने क्षणभरही उसंत घेतली नसल्याचे चित्र आहे.

दरम्यान, जोरदार पाऊस व सतत पडणाऱ्या मोठ्या पावसामुळे पेडणे तालुक्यात काल व आज सर्वत्र मोठ्या प्रमाणात झाडांची पडझड झाली. यामुळे पेडणे तालुक्यात सुमारे लाखोची हानी झाली असून पेडणे अग्निशमन दलाच्या जवानांची अहोरात्र धावपळ सुरू आहे. काल संध्याकाळी पवनवाडा - केरी येथे रस्त्यावर व वीज वाहिन्यांवर चिंचेचे मोठे झाड पडल्याने वाहतूक कोंडी झाली.