Goa Monsoon 2023: गेले काही दिवस राज्यात पावसाने उघडीप दिलेली आहे. तथापि, आज गुरूवारी हवामान विभागाने गोव्यातील काही भागात पावसाचा यलो अलर्ट वर्तवला आहे. गोवा वेधशाळेने (IMD Goa) हा अंदाज वर्तवला आहे.

उत्तर गोवा तसेच दक्षिण गोव्यातील काही भागात या काळात हलका ते मध्यम स्वरूपाचा पाऊस पडू शकतो. डिचोली, मुरगाव, फोंडा, तिसवाडी तालुक्यांवर ढग जमा झाले आहेत. हे ढग पूर्वेसह, ईशान्येकडे सरकत आहेत.

या पार्श्वभुमीवर आयएमडी गोवाने यलो अलर्ट दिला आहे. पाणी साचेल अशा भागात जाऊ नका, वाहतूक कोंडी याबाबत आधीच दक्षता घेण्याची सूचना आयएमडीकडून देण्यात आली आहे.