Goa Crime: विनयभंग प्रकरणात सहभागी असलेल्या आणि न्यायालयाने फरार घोषित केलेल्या अकबर खान (22) या संशयित आरोपीला मायणा कुडतरी पोलिसांनी अटक केली आहे.

या संशयित आरोपीविरुद्ध एका महिलेचा विनयभंग केल्या प्रकरणी मडगावच्या न्यायालयात खटला सुरु होता आणि हा आरोपी 2015 पासून फरार झाला होता. विनयभंगाचे हे प्रकरण केपे पोलीस स्टेशनच्या हद्दीत घडले होते.

या आरोपीची माहिती प्राप्त झाल्यानंतर मायणा कुडतरी स्थानकाचे हेड कॉन्स्टेबल सोमनाथ नाईक आणि पोलीस कॉन्स्टेबल विकास नाईक यांनी फरार त्याला पकडले. त्या संशयित आरोपीला केपे पोलिसांच्या स्वाधीन करण्यात आले.