डिचोली : जोरदार पावसामुळे शहरातील रेंगाळलेल्या ‘मॉर्डन फायर स्टेशन’ या प्रकल्पस्थळी बांधलेल्या शेडच्या पत्र्यांची पडझड होण्याचा प्रकार घडला आहे. शेडच्या पत्र्यांची पडझड झाली असतानाच, प्रकल्पाच्या सभोवताली उभारण्यात आलेल्या पत्र्यांचीही नासधूस झाली आहे.

या प्रकल्पस्थळी कामगारांना राहण्यासाठी शेड बांधल्या आहेत. मात्र, प्रकल्पाचे काम ठप्प असल्याने गेल्या काही महिन्यांपासून प्रकल्पस्थळी कोणाचेच वास्तव्य नाही. त्यामुळे पावसात प्रकल्पस्थळी झालेल्या पडझडीकडे संबंधितांचे दुर्लक्ष झाले आहे. फायर स्टेशनजवळ प्रकल्पाचे काम सुरू असून, पावसातच पत्रे पडल्याने आता झालेल्या कामावर तात्पुरते प्लास्टिक आच्छादनाची गरज आहे.