मडगाव: मोबोर येथे आज संध्याकाळी एका नामांकित रिसॉर्टच्या स्विमिंग पूलमध्ये बुडून चार वर्षांच्या निष्पाप मुलाचा मृत्यू झाला. कोलवा पोलिसांनी दिलेल्या माहितीनुसार, एका नौदल अधिकाऱ्याचे कुटुंबीय स्विमिंग पूलजवळ पार्टीचा आनंद घेत होते.

यावेळी त्यांचा चार वर्षांचा मुलगा ‘किड्स पूल’मध्ये खेळत होता. दरम्यान, मुलाचे आई-वडील रिसॉर्टमधील रेस्टॉरंटमधून काही वस्तू आणण्यासाठी गेले. पालक काही काळासाठी बाजूला गेल्यानंतर खेळत असलेला मुलगा अचानक मोठ्या स्विमिंग पूलमध्ये आला.

पाण्याचा अंदाज न आल्याने तो खोल पाण्यात बुडू लागला. स्विमिंग पूलवरील अटेंडंटने मुलाला पाण्यात बुडताना पाहून तात्काळ बाहेर काढले. त्याला वाचविण्याचे शर्थीचे प्रयत्न केले. मात्र, दुर्दैवाने त्याचा जीव वाचू शकला नाही.