Valpoi Hegdewar High School

वाळपई येथील डॉ. हेडगेवार शिक्षण संस्था संचलित हायस्कूलच्या नवीन वास्तूचे आज केंद्रीय मंत्री श्रीपाद नाईक यांच्या हस्ते दिमाखात लोकार्पण झाले. हा कार्यक्रम होण्यापूर्वी सकाळी आरोग्यमंत्री विश्वजीत राणे यांनी सदर शिक्षण संस्थेला दोन कोटींची देणगी जाहीर केली. मंत्री राणे यांच्यामुळे सत्तरीच्या विकासाला चालना मिळाली आहे.

विविध क्षेत्रांत त्यांचे भरीव योगदान राहिले आहे. आज डॉ. हेडगेवार शिक्षण संस्थेला त्यांनी दोन कोटींची देणगी जाहीर केल्यानंतर त्यांचे सर्व स्तरांतून अभिनंदन होत आहे. या संदर्भात संबंधित शाळा व्यवस्थापनानेही आभार मानले आहेत.

सत्तरीतील शैक्षणिक प्रगतीसाठी आपण सदैव कटिबद्ध असून, यापुढेही सढळ हस्ते मदत करू, असे विश्वजीत राणे यांनी आश्वस्त केले.