Goa Mining: राज्यातील खाणी लवकरात लवकर सुरू करण्यासाठी राज्य सरकारचे प्रयत्न असून यापूर्वीच्या दोन यशस्वी खनिज ब्लॉक्सच्या टप्प्यानंतर आता तिसऱ्या टप्प्यातील खनिज ब्लॉक्सच्या ई लिलावाची प्रक्रिया सुरू केली जाईल, अशी माहिती मुख्यमंत्री डॉ. प्रमोद सावंत यांनी आज दिली.

सरकारने आज राज्यातील खाणकामाशी संबंधित उपक्रमांची आढावा बैठक घेतली. या बैठकीत खाणींच्या तिसऱ्या ब्लॉकच्या ई-लिलावाचे जलद ट्रॅकिंग, २८ व्या ई-लिलावाद्वारे लिलाव केलेल्या डंपची वाहतूक, डंप पॉलिसी आदी मुद्यांवर चर्चा करण्यात आली. लॅटराइट खाण आणि वाळू उत्खननाशी संबंधित प्रक्रिया सुलभ करण्याचा निर्णय घेण्यात आला, अशी माहिती मुख्यमंत्री सावंत यांनी दिली.

‘राज्यात १५ जुलैपर्यंत पुरेल एवढे पाणी’

१५ जुलैपर्यंत पुरेल एवढे पाणी राज्यात आहे, अशी माहिती मुख्यमंत्री प्रमोद सावंत यांनी आज दिली. म्हादई न्यायाधिकरण पुरस्कारानुसार पाणी वितरणासाठी स्थापन केलेल्या प्रवाह प्राधिकरणाला लवकरात लवकर पणजी येथे कार्यालय देण्यात येईल, अशी माहितीही त्यांनी दिली.