GMC PIO get Show Cause Notice: माहिती अधिकाराच्या अंतर्गत मागवलेली माहिती अपूर्ण स्वरुपात दिल्याने गोवा वैद्यकीय महाविद्यालय रुग्णालयाच्या अधिकाऱ्याला कारणे दाखवा नोटीस बजावण्यात आली आहे. गोवा माहिती आयोगाच्या वतीने रुग्णालयाच्या माहिती अधिकाऱ्याला नोटीस बजावण्यात आलीय.

अनिश बकाल यांनी माहिती अधिकाराच्या कलम ६ (१) अंतर्गत विविध ५५ मुद्यांवर माहिती मागवली होती. राज्य माहिती आयोगाने कलम आरटीआयच्या कलम २० अंतर्गत दत्ताराम सरदेसाई यांना नोटीस बजावली आहे. माहिती आयुक्त संजय ढवळीकर यांनी ही कारवाई केली आहे.

माहिती अधिकारी सरदेसाई यांनी याचिकाकर्त्यांने मागवलेली माहिती अपूर्ण स्वरुपात दिली. पहिल्या अपीलनंतर त्यांनी आयोगासमोर देखील येण्यास टाळाटाळ केली. असे ढवळीकर म्हणाले.

माहिती अधिकारी ढवळीकर यांनी अपूर्ण स्वरुपात दिलेली माहिती हे योग्य नाही. तसेच, पुढील १५ दिवसांत ही माहिती मोफत दिली जावी अशीही सूचना करण्यात आली आहे.

माहिती अधिकाऱ्याची बदली झाली तरी नव्याने येणाऱ्या अधिकाऱ्याला सोपस्कर पूर्ण करावे लागेल. असेही नोटीसमध्ये म्हटले आहे.