Yuri Alemao: कुंकळ्ळी येथील शेतकऱ्यांना मदतीसाठी स्थानिक आमदार आणि विरोधी पक्षनेते युरी आलेमाव यांनी चांदर, गिरदोली, माकाझान व पारोडा येथील कालवे आणि जलकुंभांची स्थळ पाहणी केली. यावेली जलसंपदा विभागाचे अभियंता आणि विभागीय कृषी अधिकारी उपस्थित होते.

आलेमाव यांनी कालव्यांच्या साफसफाई आणि देखभालीच्या सुरू असलेल्या कामांचा आढावा घेतला. ‘शेतकऱ्यांना भेडसावणाऱ्या समस्यांवर वेळेत तोडगा काढण्यावर माझा भर आहे. कुंकळ्ळी मतदारसंघातील विविध स्थळांना भेट देऊन शेतकऱ्यांचे म्हणणे ऐकून घेतल्याबद्दल मी सरकारी अधिकाऱ्यांचे कौतुक करतो’,

असे युरी आलेमाव म्हणाले. शेतकऱ्यांना मदत करणे आवश्यक आहे जेणेकरून त्यांना शेती करणे सोपे जाईल. शेतकऱ्यांना संरक्षण आणि प्रोत्साहन दिले नाही तर लोक उपाशी राहतील, असेही ते म्हणाले.