Accident News: मडगावहून जांबोटी- खानापूरमार्गे कित्तूर-बैलूर येथे लग्न समारंभासाठी निघालेल्या वऱ्हाडी बसला सोमवारी (ता.28) पहाटे चारच्या सुमारास ओलमणी (कर्नाटक) जवळ अपघात घडला. यात बसमधील 35 जणांपैकी 9 जण गंभीर जखमी झाले.

मडगावहून सदर खासगी बस (क्र. जी ए 07 एफ 8833) सोमवारी मध्यरात्री 12 च्या सुमारास चोर्ला मार्गे जांबोटी- खानापूर रस्त्यावरून कित्तूर तालुक्यातील बैलूर येथे लग्न समारंभासाठी निघाले होते. पहाटे चारच्या सुमारास ओलमनी गावाजवळील वळणावर चालकाचा ताबा सुटल्याने बस खाईत पलटी झाली.

त्यामुळे बसमधील सर्वांनाच दुखापत झाली. झोपी गेलेल्या काहींना गंभीर जखमा झाल्या. रुग्णवाहिकेने जखमींना जिल्हा शासकीय रुग्णालयात दाखल केले. 35 पैकी 9 जण गंभीर असून त्यांच्यावर उपचार सुरू असल्याची महिती खानापूर पोलिसांनी दिली आहे. या घटनेची नोंद खानापूर पोलिसात झाली असून अधिक तपास सुरू आहे.

वृद्ध महिलांचा समावेश

बसचालक श्रीकांत खोलकर, शिवाक्का व फकीरवा अशी जखमींची नावे आहेत. याविषयी माहिती मिळाल्यानंतर मडगावचे नगरसेवक महेश आमोणकर आणि त्यांच्या मित्रांनी घटनास्थळी धाव घेऊन जखमींची विचारपूस केली.

आणि त्यांना गोव्यात सुरक्षित आणण्यासाठी प्रयत्न केला. या बसमध्ये अधिक प्रमाणात वृद्ध महिलांचा समावेश होता. बसमधील अधिक प्रवासी खारेबांद येथील आहेत.