Parra Road: म्हापशातील पर्रा येथे एक गोवा पासिंगची इग्निस कार (GA 08 AAA 542) शेतात कलांडल्याची घटना घडली आहे. सदर कार कशी कलंडली याची अद्याप सविस्तर माहिती मिळू शकली नाही. मात्र कार चालकाला साईड पट्टीचा अंदाज न आल्याने कार शेतात घुसली असल्याचा अंदाज वर्तवला जातोय. या घटनेत कुणी जखमी झालं आहे का याबाबतही कोणतीही माहिती हाती आली नाहीय

दरम्यान काही दिवसांपूर्वी याच रस्त्यावर एका पर्यटकाची कार अशीच शेतात कलांडल्याची घटना घडली होती. तसेच त्यावेळी त्या कार चालकाची सायकलस्वार मुलाला धडक बसल्याने अपघात झाला होता.

पर्रा येथे आलीया आणि शाहरुखच्या 'डिअर झिंदगी' या बॉलीवूड चित्रपटाचे शूटिंग झाले आहे. त्यामुळे येथील रस्त्यावर पर्यटकांची गर्दी पहायला मिळते. मात्र, या प्रकारामुळे तेथे वाहतूक कोंडी होत असल्याने याचा त्रास स्थानिक नागरिकांना सहन करावा लागतो.